फेसबुकमा धेरै फोटो सेयर गर्नुपूर्व सोच्नुहोस् है !

यदि तपाईलाई सामाजिक संजाल फेसबुकमा धेरै फोटो सेयर गर्नुहुन्छ भने होस गर्नुहोस् । एक नयाँ अध्ययनका अनुसार धेरै फोटो सेयर गर्नाले तपाईका साथीहरु तपाईबाट टाढा हुन सक्छन् । युनिभर्सटि अफ बर्मिङ्घम, युनिभर्सिटि अफ द वेस्ट आफ इंग्ल्याण्ड र युनिभर्सिटि अफ इडनबर्गका शोधकर्ताले गरेको नयाँ अध्ययनका अनुसार फेसबुकमा सेयर गरिने फोटोको संख्याले सम्बन्धमा असर पर्ने देखाएको छ । अध्ययनका प्रमुख शोधकर्ता डाक्टर डेविड ह्युगटनले फेसबुकमा साथीहरुको नियमित फोटो सेयर गर्नाले उसको वास्तविक जीवनका सम्बन्धमा नोक्सानी पुग्ने संभावना रहने बताउनुभयो । उहाँका अनुसार फेसबुकमा आफ्ना साथीका लागि पोस्ट गर्ने सुचनाहरु परिवारका सदस्य, कार्यालयका सहकर्मीलगायत अरु विभिन्न श्रेणीका मानिसले हेर्ने र उनीहरुले यस सुचनालाई फरक तरिकाले लिने गर्दछन् । अध्ययनका क्रममा कसैले आफ्नो साथीको धेरै फोटो सेयर गरेमा यसले उनीहरुको सम्बन्धमा समेत नकारात्मक असर पर्न सक्ने पाइएको छ ।